lunedì 26 settembre 2016

MIETTENCE 'A MANA TOIA ...

MIETTENCE 'A MANA TOIA
=======================
E' da 'nu poco 'e tiémpo a chésta parte
che 'o populo soffre 'e 'na grave malatia
pe' colpa 'e chi cummanne ca canosce l'arte
'e comme se manne 'e famiglie 'miézo 'a via.


Quanno corre 'a nutizia che 'o guverno
s'arriunisce ca vo' parlà d'ecunumia
nun rummane che prià 'o Pataterno
< aiutance, Signore, falle truvà 'a via >.


E 'o Pataterno è stato iusto e perentorio
< 'a salvezza d''o populo so' ll'elezione
'nu camio d''a munnézza a Montecitorio
se carrecasse Alì cu' tutte 'e ladrone >.


Se so' fottute chéllo che hanno potuto
lassanne 'o populo surtanto mullechèlle
ca si nun vo' èsse ancora cchiù spremuto
ll'unneca speranza 'o voto a CINCHE STELLE.


Se bloccane 'e penzione d''a povera gente
e s'aumentane 'e lloro 'nzieme 'e vitalizie
doppo 'na vita 'e fatica pe' magnà a stiénte
e chi senza cuntribute se lèva pure 'e sfizie.


Quaccuno dice ca nce vònne 'e manganiélle
nun è ovèro, 'a via nun àdda èsse chélle
è 'o mumento 'e mètte fine a 'sta jacuvèlle
vutanno NO e appriésso a CINCHE STELLE.


Mo si è ovèro ca te vuò sarvà, nun te ne stà
facènne svulazzà 'a bandiera de ll' ONESTA'
comme apòstole vaje 'mmiezo 'a gente e dillo
che chi vo' cagnà vutasse a PEPPE GRILLO.


ANTONIO RANUCCI - Poeta
Nocera Inferiore (Sa)

Nessun commento:

Posta un commento